Um Kvikmyndasafn Íslands

Lagalegt hlutverk Kvikmyndasafns Íslands er margþætt. Meginhlutverk safnsins er að safna, skrásetja og varðveita íslenskar kvikmyndir; hafa eftirlit með skilum kvikmyndaefnis samkvæmt lögum um skylduskil til safna og standa fyrir sýningum á innlendri og erlendri kvikmyndalist. Jafnframt gegnir safnið því hlutverki að sjá um viðhald og endurgerðir á kvikmyndum safnsins og skapa fræðimönnum og fagmönnum aðstöðu til að stunda kvikmyndafræðilegar rannsóknir.

Sjá Kvikmyndalög:

Skylduskil á kvikmyndum

Kvikmyndasafn Íslands er eitt af þriggja varðveislusafna landsins. Eitt helsta hlutverk þess er að varðveita íslenskan kvikmyndaarf og hafa eftirlit með skilum kvikmyndaefnis. Stofnunin safnar, skrásetur og varðveitir íslenskar kvikmyndir, samvinnuverkefni íslenskra og erlendra aðila og erlendar kvikmyndir sem teknar hafa verið á Íslandi. Kvikmynd sem gefin hefur verið út til sýningar í kvikmyndahúsi, sjónvarpi, á diskum eða á neti skal afhenda Kvikmyndaafni Íslands til varðveislu eins fljótt og auðið er eftir að framleiðslu lýkur.

Sjá lög um skylduskil

Skil á öðru efni

Kvikmyndasafn Íslands tekur í sumum tilfellum á móti kvikmyndaefni sem ekki er skilaskylt, hafi það sögulegt/menningarlegt gildi og íslenskar tilvísanir. Safnið tekur eingöngu efni til varanlegrar varðveislu, en geymir ekki efni fyrir einstaklinga eða stofnanir.  Gott er að senda erindi á safnið ef óskað er eftir því að leggja efni inn á safnið til varanlegrar varðveislu. Erindið er tekið til skoðunar og því svarað eins fljótt og auðið er.

Þjónusta

Kvikmyndasafn Íslands þjónustar kvikmyndagerðarmenn og fræðimenn m.a. með leit að efni og heimildum í gagnagrunni safnsins. Gagnagrunnurinn er ekki leitarbær út á við en fyrirspurnir má senda til safnsins í gegnum netfang gh@kvsi.is. Athugið að nafn og kennitala spyrjanda þarf að koma fram og að því ítarlegri sem fyrirspurnin er þeim mun nákvæmari verður útkoman. Öllum fyrirspurnum er svarað eins fljótt og auðið er.

Senda fyrirspurn
Önnur þjónusta
Litla bíó

Kvikmyndasafnið hefur nú sett upp sýningaraðstöðu, Litla bíó, sem tekur 15 manns í sæti. Aðstaðan verður jöfnum höndum notuð innanhúss til skoðunar á nýlega stafvæddu efni, sem skoðunaraðstaða fyrir fræðimenn og til sýninga fyrir minni hópa.

Móttaka gesta

Kvikmyndasafn Íslands er fyrst og síðast varðveislusafn og er ekki opið fyrir almenning í sama skilningi og önnur söfn. Á safninu er mikið til af gripum sem tengjast kvikmyndasögu og kvikmyndagerð sem mörgum þykir áhugavert að sjá og geta hópar óskað eftir því að fá leiðsögn í gegnum safnið.

Hafa samband!

Starfsmenn Kvikmyndasafns Íslands

Nafn Starfstitill Símanúmer Tölvupóstfang
Björn Þór Björnsson Skráning og efnisgreining bjorn@kvikmyndasafn.is
Bogi Reynisson Endurgerð og eftirvinnsla br@kvikmyndasafn.is
Ester Bíbí Ásgeirsdóttir Verkefnastjóri skilaskyldu ester@kvikmyndasafn.is
Gunnþóra Halldórsdóttir Verkefnastjóri gh@kvikmyndasafn.is
Jón Stefánsson Endurgerð og eftirvinnsla js@kvikmyndasafn.is
Sigfús Guðmundsson Filmuvinnsla og efnisgreining sg@kvikmyndasafn.is
Sigríður Regína Sigurþórsdóttir Skráning og efnisgreining siggaregina@kvikmyndasafn.is
Sigurjón Jóhannsson Sviðsstjóri minjadeildar sj@kvikmyndasafn.is
Þóra Ingólfsdóttir Forstöðumaður thora@kvikmyndasafn.is