Ampex 3 CCD vídeómyndavél (án linsu). Vélin tók upp hljóð og mynd á Betacam spólu. Hægt var að setja mismunandi linsur á vélina fyrir nærmyndir og fjærmyndir ásamt aðdráttarlinsu.

Vélin var í eigu Sveins M. Sveinssonar, eiganda kvikmyndagerðarfyrirtækins Plús Film og er hún með fyrstu myndbandsupptökutækjum fyrir atvinnumenn sem gerðar voru í ferðaútgáfu. Hægt var að hafa vélina á öxlinni og taka upp á hana hvar sem er. Sjónvarpið fór að nota sambærilegar vélar upp úr 1980 þegar stofnunin hætti að nota filmur og tók myndbönd í notkun.